نجاح العلاقة بينك وبين العميل مبنية فى الأساس على إكتشاف وإرضاء إحتياجاته وكيفية إشباعها بالمنتجات والخدمات التى تتناسب مع هذه الإحتياجات.
علشان كده خطوة #إكتشاف_إحتياجات_العميل من الخطوات المهمة جدآ فى نجاح #عملية_البيع ومن خلالها بيقدر #رجل_البيع_الناجح إنه يرفع مبيعاته ويحقق أهدافه بكل كفاءة وفعالية من خلال التركيز على الآتي:-
1️⃣ ATV
2️⃣ UTV
و النهاردة هنتكلم عن ATV
وهو اختصار لمصطلح " Average transition value"
والمقصود به #متوسط_فاتورة_العميل أو قيمة فاتورة العميل الواحد إللى بيقدر رجل البيع من خلال التركيز على رفعها من تحقيق مبيعات إضافية بما يتناسب مع إحتياجات كل عميل.
طيب #إزاى_نقدر_نزود_مبيعاتنا ونرفع متوسط الفاتورة للعميل الواحد
الموضوع بمنتهي البساطه إنك تركز على الآتى:-
✍حجم و مقاسات المنتجات إن وجدت
✍إضافة خدمات ملحقة بالمنتج
✍إضافة منتجات مكملة للمنتج الأساسي
ناخد بقي مثال بسيط علشان نقدر نوضح المعني أكثر، تخيل معايا كده لو أنت عندك Mobile store بتبيع فيه أجهزة جديدة وأجهزة مستعملة ودخل عليك المحل عميل عجبه موبايل مستعمل معروض عندك وسألك عن السعر وحضرتك رديت عليه قلت له الجهاز ده ب 1000جنيه، المهم العميل عجبه الموبايل والسعر دفع الفلوس وآخد الموبايل ومشي.
بالورقة والقلم حضرتك فعلا بعت الموبايل ولكن بلغة #البيع_الإحترافي حضرتك لم تحصل علي أقصي إستفادة ممكنة من العميل بحسب احتياجاته.
علشان كده في سؤال مهم جدآ لازم تسأله لنفسك👇
👈هل كان عندك فرصة إنك تبيع منتجات أو خدمات أخري للعميل ولا لاء، ولو كان عندك الفرصة دي لماذا لم تقوم بعرض هذه المنتجات أو الخدمات، وايه السبب إللى يخليك تستعجل فى #إغلاق_البيع ؟
طيب تخيل بقي معايا لو #الموقف_البيعي ده تكرر عليك مرة تانية والعميل اشتري الموبيل ب 1000 جنيه، ولكن جيت حضرتك عرضت عليه إنك تركب للموبايل سكرين حماية بتحمي الشاشة من الكسر سعرها 50 جنيه، وعرضت عليه خدمة كارت ضمان من المحل على المستعمل قيمته 50 جنيه وعرضت عليه جراب عليه تخفيض ب 50 جنيه بدلآ من 100جنيه بكده بقيت فاتورة العميل بمبلغ 1150 بدلآ من 1000 جنيه.
يعنى حضرتك كسبت 150 ج زيادة على فاتورة العميل مقابل إهتمامك برفع متوسط فاتورة العميل بالتركيز علي إحتياجاته وعدم الإستعجال في #إغلاق_البيع.
وبكده تكون العلاقة بينك وبين العميل #Win_Win_situation أنت نجحت إنك تكسب وترفع مبيعاتك وتحقق أهدافك، والعميل كمان كسب إنه قدر يوفر الوقت والجهد في البحث عن إحتياجاته وحصل عليها من مكان واحد.
طيب بحسبة بسيطة تخيل لو أنت مثلا بيدخلك في اليوم الواحد 30 عميل والطريقة دى نجحت بس مع 10 منهم وقدرت إنك ترفع متوسط فاتورة كل عميل منهم بمبلغ 150 جنيه انت عارف ده معناه إيه ؟
ده معناه إنك حققت 1500 ج فى اليوم ده كانوا بالنسبة لك عبارة عن #بيع_مفقود، وده معناه كمان إنك حققت 45000 جنيه شهريآ مبيعات كانت مفقودة بسبب عدم الإهتمام برفع متوسط فاتورة العميل بالتركيز على إحتياجاته.
ودي طريقة واحدة من طرق كتير جدآ تقدر من خلالها إنك تتعلم #كيف_ترفع_مبيعاتك وتحقق أهدافك بكل كفاءة وفعالية والطريقة دى جزء بسيط جدآ من #كورس_إدارة_مبيعات_التجزئة الذي ننقل لكم من خلاله عصارة خبرتي على مدار أكثر من 16 سنة من العمل فى مجال #البيع_بالتجزئة داخل مصر وخارجها
ولمزيد من الإستفسار اكتبوا لنا في التعليقات
تحياتي
تحياتى
=================================================
احنا موجودين في كل المنصات عشان نوصلكم المعلومة اللي تفديكم في شغلكم او الابتسامة اللي بتساعدنا في مواجهة الظروف الصعبة او يارب يجعلنا سبب في انك تلاقي وظيفة
مستنينكم
***********************
***********************
0 تعليقات